Една од сличностите на во моментов ултрапопуларниот српски актер Вук Костиќ со ликот кој го игра во една од најпопуларните серии во регионот: “Убијците на мојот татко”, е таа што тој како и инспектор Александар во серијата, биле тесно поврзани со своите татковци кои и обајцата повеќе ги немаат.
Иако ликот на Александар во серијата уште се соочува со загубтаа, Вук Костиќ открива како се чувствува поради истата по толку многу години, и дали понекогаш му е жал и криво, затоа што татко не може да го види сега, како што веќе потврден и успешен актер.
„Тој секогаш беше горд на мене. Жал ми е… Се разбира дека ми е, иако минаа 15 години откако тој не е со нас. Тој почина во 2001 година, но знам дека сега може да ме види“ – искрено зборува актерот за смртта на татко му, иако очигледно е дека и по деценија и пол, таа се’ уште тешко му паѓа.
Неговиот татко Михајло Костиќ – Пљака бил актер на „Југословенско драмско позориште“, а играл и во неколку домашни филмови. Честопати го споредувале со Џејмс Дин, а неговиот шарм, харизма и талент за глумење Вук несомнено ги наследил.
Кога познатиот Пљака почина од леукемија, Вук имаше само 22 години, и беше на почеток на неговата кариера, па смртта на неговиот татко му падна уште потешко.
Сепак, она што Вук го памети е дека тој имал татко за пример, и дека денес е ваков, каков што е, е токму благодарение на неговата поддршка.
„И знам дека би сакал да бидам татко како него. Би сакал да бидам на тоа ниво. Можеби дури и се плашам дека не би можел да бидам толку добар татко како што беше тој. Но стравот од неуспех е неуспех сам по себе“ – заклучува Вук.
