Хотелот „Мериот“ и ресторан-барот „Дистрикт“ со новиот проект „Дистрикт-ѕвезда во подем“ (DISTRIKT NEW RISING STAR), се во потрага по неоткриени музички таленти. Хотелот со отворен повик ги повикува сите талентирани музичари кои имаат желба за успех и кои сакаат да бидат слушнати и откриени, да се пријават и со тоа да добијат шанса за настап во ресторанот на хотелот „Мериот“.
Отворениот повик е упатен до сите музички ентузијасти, бендови, диџеи, дуо, соло-артисти или можеби гитаристи кои имаат желба за успех и кои сакаат да бидат слушнати. Преку дадената можност за настап во својот ресторан, „Мериот“ им помага на младите таленти да го покажат она што го знаат, да ги исполнат своите сценски соништа и да се доближат до сопствениот можен успех.
Сè што треба да направите за да се пријавите е да испратите аудио или видео снимка од вашата изведба, име и презиме, возраст, контакт инфо и ваша фотографија на [email protected]. Потрагата по нова ѕвезда ќе трае во текот на целата година, но бидете меѓу првите и аплицирајте веднаш!
За повеќе информации и прашања околу отворениот повик достапен е телефонскиот број 071 238 522. Искористете ја шансата и бидете новата ѕвезда на „Дистрикт“!
Поврзани вести
Познатите Македонки се пуштија во потрага на своите двојнички: Овој пат Анастасија Деа и Александра Јанева се гледаат во ликот на овие светски ѕвезди (фото)
Карлешуа со јасна порака со пејачите на кои „им лепат“ бакшиш: „Не може да бидете ѕвезди“
