Анџелина Џоли (48) откри дека планира да го напушти „нездравиот Лос Анџелес“ и да помине повеќе време во Камбоџа откако „ја изгуби слободата да патува“ за време на жестоката битка со Бред Пит.
Таа за магазинот изјави дека не и се допаѓа Холивуд и дека го смета за „површно место“, признавајќи дека веројатно никогаш нема да влезе во индустријата во денешно време. Таа објасни дека сака да се исели што е можно поскоро за да живее во нејзиниот дом во Азија, но не додека нејзината постојана правна битка со бившиот не ја достигне последната фаза.
Двојката започна да се забавува во 2005 година, а се венча во 2015 година, за да се разделат две години подоцна, а нивната седумгодишна разводна битка за старателството над нивните шест деца оттогаш трае.
Анџелина рече дека процедурата ограничила некои работи, како што е патувањето. „Тоа е дел од она што се случи по мојот развод – ја изгубив способноста да живеам и слободно да патувам“, рече таа, додавајќи „Ќе се преселам кога ќе можам“.
“Пораснав на прилично површно место. Од сите места во светот, Холивуд не е најнездравата средина. Затоа барате автентичност”, објаснила Џоли. Таа додаде дека поради фактот што пораснала таму, додека нејзините родители биле актерите Џон Војт и Маршелин Бертранд, никогаш не била фасцинирана од Холивуд. Таа призна дека ако почне од почеток, никогаш повеќе нема да стане актерка, поради очекувањата на јавноста да сподели интимни детали од нејзиниот живот. Анџелина рекла и дека повеќе нема социјален живот и дека нејзините пријатели сега се претежно бегалци, кои ги запознала за време на долгогодишната работа во ОН.
„Низ се што поминаа останаа поискрени и ја сочуваа својата хуманост, јас сум опуштена покрај нив. Зошто сакам да поминувам време со луѓе кои преживеале и се бегалци? Затоа што се соочиле со толку многу во животот што не носи само сила, но и хуманост“, рекла познатата хуманитарка посочувајќи дека во моментов не излегува ниту на состаноци.
Таа, исто така, зборуваше за нејзината одлука да се повлече од јавноста по раскинувањето со Бред: „Моравме да се излечиме. Има работи од кои закрепнувавме“. таа го објасни фактот дека по разводот се појавила само во пет филмови.
Фото: Printskrin/Facebook/Angelina Jolie
