Пејачката Сара Мејс по кусо време откако го објави синглот и спотот за „Копито“, на својата публика овој пат и промовира уште едно уникатно музичко парче кое го носи насловот „Бакар боја“.
Сара за оваа нежна и релаксирачка нумера комплетно го ослободи својот музички талент, со тоа што е автор на музиката, текстот и аранжманот.
Во објавеното видео на кое Сара е во фокусот додека свири на харфа, се појавуваат уште неколку музичари меѓу кои: Симеон Ангеловски на бас, Драган Теодосиевски на тапани, а придружен вокал е Теона Јовановска.
Инаку, „Бакар боја“ е дел од проектот „Copper Room Sesions“ и студио „Алшар“.
Преслушајте:
