Кутрата Лила… Дерман нема од нејзините верни другарчиња. Штом некаде излезе, отиде, малку се опушти… ја шокираат како со „електро шокови“. Сиротата, не знае кога каде ќе ја спопадне нов шок: на шминкање, на сончање, во неврзан разговор… А овој пат дури и на вечера.
Имено водителката во тивката приквечерина седна со газда Боки 13 да вечера, кога ете ти од зад грб неидентификувана личност, белким машка ќе да е, како полека, чекор по чекор и се прикрадува и… „Уаоооо…“! Да ти пукне душата!
Лила скока како попарена… Чиниш седнала на дефибрилатор… На електрична, а не на кафеанска столица. Башка, водителката од шокот за малку ќе завршеше со лицето во чинијата со вечера! Среќа што Лила заради линијата вечера салати, а не супа или селско месо, на пример!
Сеирџиите до уши насмеани, обожавателите баеги загрижени! Првиве веќе почна да тврдат дека Лила повеќе не е секс, туку сега е „шок бомба“!
Нејзините следбеници пак, со пораки до „другарчињата“ да не и го прават повеќе тоа на нивната пријателка: „Ќе ви умре бе некој ден…!“
Не дај Боже, тоа сигурно нема да се случи, ама затоа со душа чекаме да видиме дали и како „империјата (водителката) ќе го возврати ударот“!?
