Македонската фолкерка Сања Сани Гроздановска од денес е за една година постара… Или повозрасна, сеедно. Дамите не се прашуваат за годините, ама се прашуваат за нешто друго: Каде и со кого го прославиле роденденот?
А, Сани и без да ја прашате самата си кажа и покажа. И таа и и дел од нејзините другарки и воедно колешки, познатите „трио фантастико“ македонски фолкерки: Тања Јовановска Трајкова, Ирена Вељовска, Адријана Кеш… И не само тие!
Зашто кога Сани слави роденден, слави со „шведска маса“… за мажи! Што е тоа? Не, не е за јадење, иако и трпезата далеку од тоа дека била празна. Сепак, многу поважно е друштвото. А друштвото составено исклучиво од женска екипа… И тоа многубројна. Не знаеш која од која поубава, позгодна, попривлечна, посекси… Да можеш да бираш, не би знаел што побргу да одбереш… Вистинска „женска шведска маса“! Лиги да ти потечат, како на дете пред излог на слаткарница!
А журката – лудница… Тортата во облик на шише од познат бренд на пијалак, веројатно омилениот на славеничката. Таа максимум расположена, што би рекле „пуштена на најјако“ покажа како се танцува со торта на глава.
Екипата убавици или подобро кажано најзгодните роденденски гости(нки), исто така. Вчеравечер Аеродром гореше од желба, па итно се бараа тројца машки стриптизери… Кои, кој знае дали стигнаа да бидат испорачани на роденденската „лејдис најт“!?
Ама затоа беше испорачана одлична славеничка атмосфера, забава до бесвест и грст роденденски честитки до славеничката, која покажа дека е „кралица“ не само на туѓата, туку и на сопствената забава, кога треба!
Зашто, ако не знаеш да се забавуваш себе си, тогаш како ќе знаеш да ги забавуваш другите, нели?
П.С. Дали паднало роденденско „афтерпарти“ со машка честитка, до заклучувањето на текстов – не успеавме да дознаеме?! Ама ќе дознаеме… Афтер објавата!
