Пејачката Александра Пријовиќ се породи пред еден месец.
Таа и нејзиниот сопруг Филип Живојиновиќ станаа родители на нивното прво дете, синот Александар.
Пејачката првите неколку недели ги поминува со синот и успеа да се навикне на новата улога, а сега одлучи да ги израдува фановите.
Имено, таа на социјалните мрежи објави фотографија со својот сопруг и најави дека се враќа на музичката сцена.
„Последните 10 месеци ќе ги паметам засекогаш. Поминавме низ најубави моменти во нашите животи. Уживаме во одмор кој трае неколку дена, а потоа се враќаме на работа.Песните се готови и ве очекува едно убаво изненадување. Се дружиме од јули со многу енергија и љубов. Ве сака Александра“ напиша пејачката.
И додека многумина се радуваат на нејзиното враќање, ги има и оние на кои не им се допаѓа идејата што Пријовиќ се враќа.
Така, еден нејзин фан и остави коментар под објавата.
„Чувај го бебето, работата нема да ти побегне“, стои под фотографијата.
Сепак, изгледа Пријовиќ не обратува внимание на коментарите и наскоро ќе ги објави новите песни.
