Ексклузивците на “Гранд продукција”, Ален Хасановиќ и Белма Карсиќ го претставија својот втор дует, насловен “Ко сам ја теби сад”.
Откако пред две години го објавија својот прв дует со наслов “Док спава град” и тој одлично помина кај јавноста, а на YouTube брои речиси милион и пол прегледи, Ален Хасановиќ и Белма Карсиќ повторно ги споија силите и објавија нов дует.
Новиот дует “Ко сам ја теби сад” е авторско дело на Саша Диниќ (музика, микс и мастер), Ана Диниќ (текст) и Александар Саблиќ (аранжман), додека задните вокали ги отпеа Сузана Бранковиќ.
Видеозаписот се снимаше на повеќе атрактивни локации во Скопје како „Џеваир Скај Сити“ или „Буши спа ресорт“, ГТЦ… под режисерската палка на Армин Хасановиќ во продукција на “АХ Медиа”.
Истиот е веќе достапен на YouTube и на музичките телевизиските канали на Гранд каде се емитува на секој час.
Погледнете го видеото и слушнете како звучи „ко сам ја теби сад?“
