Младата музичка ѕвезда Теа Таировиќ со нетрпение го очекува својот прв солистички концерт на Ташмајдан на 17 јуни, а публиката ќе има можност под ведро небо да ги слушне нумерите од новиот албум „Балерина“.
– Се истрошивме од овој албум и мислам дека се гледа и слуша. Поминав ролеркостер од емоции додека не излезе албумот. Дури сега сфаќам што сме направиле. Горда сум на мојот тим, а во крајна линија и на себе и најмногу и сум благодарен на мојата публика – изјави Теа за „Бекстејџ“.
Вели и дека успева да постигне сѐ бидејќи има премногу енергија.
– За себе можам да кажам дека сум среќна личност. Успеав да го снимам вториот студиски албум, во кој се обидов да се надминам себеси. Еден сон помалку, нерви, недостаток на приватен живот. Но, јас го сакам тоа што го работам и да не го сакав, немаше да имам толкава енергија – истакна таа.
Теа првиот сингл го издаде во 2014 година, кој беше многу популарен, а потоа продолжи да прави хитови, а во 2022 година го издаде својот прв албум „Балканија“, кој предизвика голем интерес.
Од тој албум се издвоија нумерите „Балканија“, „Момче“, „Нека трпи“, „Два и два“, „Дубаи“, „Кучки и демони“.
Оваа атрактивна пејачка со години важи за една од најбараните изведувачи, па така во 2022 година имаше над 250 настапи.
– Понекогаш таа бројка на луѓе на настапи не е пресудна. На моите концерти не ми е важно дали пеам за еден или за илјада луѓе. Секогаш ја правам истата забава. Тие два часа на сцена се причината поради која работам – изјави Теа.
Фото: Принтсрин/Инстаграм/Теа Таировиќ
