Актерката ги изненади своите следбеници со фотографија на која во раце држи близнаци, а коментарите ја преплавија со честитки и убави желби.
Актерката и оскаровка Хилари Свонк (48) роди близнаци, а радосната вест ја сподели на својот Инстаграм профил.
– Не беше лесно, но вредеше. Среќен Велигден, праќам од чист рај – напиша актерката со фотографија на која ги држи близнаците во раце додека гледа во морето.
Следбениците ја преплавија актерката со честитки и убави желби во коментарите, а за само неколку часа објавата им се допадна на повеќе од 120 илјади фанови. Во коментарите и честитаа многу познати колеги.
– Благословена си драга. Тоа е најневеројатното патување досега. Многу сум среќна за сите вас – ѝ напишала актерката Шерон Стоун.
Таа близнаците ги доби заедно со нејзиниот сопруг Филип Шнајдер, со кој се омажи во 2018 година.
Фото: Принтскрин/Инстаграм/ марио Азуони
