Серхат Теоман, 34 годишниот турски актер кој ја игра улогата на инспекторот Синан и сопруг на Зејнеп во серијата „Мајка“, во својата кариера има доста филмски и театарски улоги кои го прославија.
Како по некое непишано правило речиси секој од турските актери е во врска со колега или колешка, а така е и во случајот на овој атрактивен турски актер.
Серхан веќе две години е во врска со 10 години помладата актерка Лејла Ферај, а за љубовта вели дека него не баш му чукала на врата во животот.
-Заљубувањето или го чувствувате во првиот момент кога ја гледате личноста. Мислам дека е неможно дополнително да се заљубите, тоа е кога се запознавате. Секако, заљубеноста по некое време преминува во некоја фаза на навика. Но, јас не сакам тоа да ми се случи, сакам да се сеќавам на тој прв момент без оглед на тоа колку време поминало, вели актерот околу својата теорија за љубовта.
