Џејда Пинкет-Смит, актерка и сопруга на Вил Смит, објави на социјалните мрежи дека последнава година се бори со ненадејно опаѓање на косата.
Џејда (46) изминативе месеци се појавуваше во јавноста со турбани и марами, а сега објасни поради што.
Не ми е лесно да зборувам за ова, но сепак ќе кажам. Често ме прашуваат зошто постојано носам нешто на главата. Па ќе ви признаам, губам коса. Кога првпат забележав, се престрашив. Не знаев што се случува. Бев на снимање емисија и одеднаш почнаа да ми опаѓаат цели прамени коса“, раскажа актерката во својата фејсбук-емисија Red table talk.
