Лепа Брена има причина да биде презадоволна од бизнисот кој го започна пред неколку месеци. Нејзините чорапи го освојуваат светот, поради што се водат преговори за почеток на дистрибуцијата во странство.
Според изворот, Брена добила понуда од американска компанија, која исто така произведува и продава чорапи, да го дистрибуира својот бренд во САД. Секако, за тоа и нудат и огромни пари. Наводно, тие се подготвени да платат половина милион долари за првиот договор кој би важел една сезона (есен и зима).
– Брена работи со полна пареа. Нејзе и се допаѓа бизнисот со чорапи, а понуди пристигнуваат од сите страни. Таа привлече одлични партнери. Сега и се отвора патот до американскиот пазар, каде што, инаку, со години има куќа. Пејачката никогаш не била толку продуктивна како сега, а овој деловен проект само дополнително ја мотивираше. Вклучено е целото семејство, а во преговорите со други фирми ќе и помага сопругот Боба Живојиновиќ – вели изворот.
Според него, особено ја воодушевила сумата што ја добила за нејзиниот бренд, која е само на почеток:
– Сите знаеме дека е штедлива и се грижи за парите. Сумата што ја добила како понуда за соработка е феноменална и повеќе од очекувана. Мислам дека нема да се двоумат и дека наскоро ќе биде потпишан договор за соработка и дистрибуција. Таа има големи планови, сака да изгради фабрика, но повеќе за тоа подоцна. Сега Брена се концентрира и на американскиот пазар и верувам дека ќе заврши со обострано задоволство – вели блиска пријателка на Брена која добро ги познава семејните и деловните односи.
Фото:Принтскрин/ Антонио Анхел/Ненад Костиќ
