Пејачката Кристина Кија Коцкар, веќе пет години ужива целосно медиумско внимание. Таа стана предмет на критика, но и на обожавање и дефинитивно е синоним за успех во современиот медиумски систем.
Активна на повеќе полиња, успешно се занимава со пеење, инфлуенсерство, а е и еден од најголемите коментатори на јавниот живот во Србија. Многубројните скандали кои го одбележаа и нејзиното учество и периодот по напуштањето на „Задруга“ продолжуваат да ја интригираат публиката и јавноста до ден денес.
– Периодот по завршувањето на реалното шоу, иако делува гламурозно, беше исклучително тежок и турбулентен за Кија – вели извор близок до пејачката.
-Таа реши да напише втора книга во која ќе ја претстави вистината за сето она што се случи по првата книга и ќе даде одговори на прашањата кои таму беа поставени, а останаа без подлабоко и детално објаснување. Книгата „Мојот потпис“ излезе веднаш по победата на Кија и таа самата ја доживува како еден вид исклучително големо интервју кое само делумно ја прикажува неа, нејзините чувства и промените во нејзиниот живот што се случија преку ноќ, против нејзина волја – објаснува изворот.
Интересно е што Кристина крајно сериозно пристапила кон работата на второто книжевно дело. Покрај пријателите кои ги консултира за да не прескокне ниту еден хронолошки детал, ангажирала и мал тим адвокати.
– Кристина почна да пишува. Не сака да брза и не сака ништо да прескокне. Вистина е дека често се консултира со неколку адвокати бидејќи сака се да презентира без да ја повреди приватноста на оние за кои пишува, па сака да се заштити и осигура и правно и уметнички. Еден од нејзините најголеми сомнежи е дали под нивните вистински имиња ќе пишува за луѓето кои ја саботирале и кои и приватно и професионално ѝ наштетиле или ќе добијат нови имиња – заклучува изворот во интервјуто за Реалити плус.
Фото:Принтскрин/Инстаграм/Ч.Вукојичиќ
