Во деведесетите во Србија царуваше турбо-фолкот (иако и денес не е многу поразлично), а на таквата сцена се појави и набрзина победи убавата пејачка Марина Живковиќ. Во 1995 година, таа отпеа дует со Ванеса Шошкчиќ „Син хаос“ и се проби на сцената.
Нејзината популарност вртоглаво порасна.
Толку многу што ја нарекоа „женски Аца Лукас“. Нејзините хитови се пееја по кафеани, клубови, сплавови… „Не оди од мене“, „Лавица“, „Кажи, кажи да“, „Малку по малку“ (подоцна ја пееше Весна Змијанац), „Сакам синови со тебе“…
Но, во новиот милениум како да не се снајде на сцената. По 2000 година сними уште неколку песни, а последната во 2006 година „Љубовен завет“ за потребите на тогашниот „Гранд фестивал“ и толку… Како да исчезна!
Според медиумите во Србија, Марина потоа ја напуштила музичката кариера, ја променила православната вера и се приклучила на сектата Харе Кришна. Таа станала „бел волшебник“, завршила курс за исцелител. Во една прилика изјави дека нема агенција, дека исклучиво им помага на најблиските и дека е „само спроводник на нешто што е над нас“.
И името што и го дадоа е во согласност со новата вера и сега Марина е Маха Матра (големата мантра).
Еве како изгледаше и звучеше Марина Живковиќ во екот на естрадната кариера:
