Таа важи за една од најубавите ТВ лица, а како минува времето, за водителката Билјана Дебарлиева тоа како да стои во место.
Нежна, сензуална, пријатна за гледање и слушање, таа едноставно е оригинална и единствена како во она што го работи, така и со својата појава.
Ако некогаш негуваше одреден стил од кој не правеше отстапки, изминатите неколку години Биле се повеќе е храбра за да направи промени кога е во прашање нејзиниот визуелен печат.
![](https://arhiva.vistina.com.mk/wp-content/uploads/2018/04/21617788_1388770341221367_8652807660579328554_n.jpg)
Токму затоа, за нејзините пријатели и следбеници на социјалните мрежи и секако гледачите, изненадување е кога ќе ја видат со нова промена.
Овој пат изненади со фотографија на која е во издание какво не сме ја виделе досега, со младешка фризура од брановидни кадрици – имиџ поради кој собра лавина од коментари кои се нижеа еден до друг.
Едни ја прашаа дали е таа, други и поласкаа дека изгледа 20 години помладо, трети дека е како кукла, а пак сопругот ја спореди со Клаудија Шифер.
![](https://arhiva.vistina.com.mk/wp-content/uploads/2018/04/31166908_1597877530310646_7137783394485665792_n.jpg)
Едно е јасно, во вакво или такво издание, Дебарлиева плени со својата појава.
фото:фејсбук