Ѓорѓе Давид откри дека за време на снимањето на „Ѕвездите на Гранд“ често знае да има конфликт со неговиот колега Драган Стојковиќ Босанац.
Во една прилика познатиот рокер истакна дека ги почитува своите колеги, но сега вели дека кога ја гледа емисијата има желба да им врати.
„Јас кога гледам на телевизија ми доаѓа да влезам во телевизорот колку човекот знае да ме изнервира. Би се вратил на снимање за да му одговорам“, изјави Давид и додаде:
„Имам почит кон чичкото кој е стар, расипан и знае сè. Сфатив дека тој се шегува со нас“.
Инаку, последната сезона на музичкото шоу трае две години поради пандемијата со коронавирус, а Саша Поповиќ најави дека од септември „Ѕвездите на Гранд“ ќе имаат потполно нов концепт.
