Поголемиот број од македонските и регионални јавни личности се наоѓаат во изолација односно карантин поради коронавирусот кој ни стави кочница на секојдневните обврски, акивности, навики…
Иако се во „четири ѕида“, тие знаат и наоѓаат начин како да го поминат времето. Така, некои од нив се вклучуваат во живо и разговараат со фановите, други ги покажуваат вештините во кујна, трети го прифаќаат предизивикот и вадат фотографии од архива, но едно е јасно – сите упатуваат пораки да се остане дома.
Македонското девојче Каролина Гочева која веќе неколку години ужива во брак со уметникот Михаил Корубин е резервирана кога станува збор за нејзиниот приватен живот.
На социјалните мрежи исто така е затворена за приватноста и детали зад камерите, па најчесто објавува фотографии кои се однесуваат на нејзиниот професионален ангажман.
Меѓутоа, како деновиве сите сме дома, па евалуираме спомени, Гочева овојпат извади не толку стара фотографија, односно од јануари оваа година на зимување.
Каролина овој пат и покажа како ги минува пејачката деновите во карантин. Поточно, нејзиниот сопруг го искористи својот талент за да покаже што прави неговата сопруга.
Имено, тој преку цртеж откри дека Каролина среде пандемија и изолација чисти по дома и е вистинска домаќинка.
Инаку, ретко имаме прилика да ја видиме Каролина во вакво издание, но според приложнето може да заклучиме дека квалитетно и корисно го поминува времето дома.
