Човек кога ќе ја види, таа навистина изгледа ВИП… Слаба, висока, згодна – „неопходна“, со руса коса и светло-сини очи… Вистински манекенски тип, како од модните писти на „Фешн ТВ“. ВИП не само на еден ден, туку ВИП за цел живот… Себе си, а и некому!
И нема проблеми ниту со гардеробата, ниту со имиџот… Може се’ да носи. Зашто, што и да облече, добро и стои!
Арно ама, по се’ изгледа дека не е се’ така како што изгледа на Снеже Велков! И „лејди пилатес“ како и секое женско да ти имала маки со гардеробата! Од се’, најмногу ја мачи и и’ предизвикува неволји кога треба да облече кожни пантолони!
До душа „кожа на кожа“ најдобро „лизга“ ако обете се човечки, ама овие беа од некоја друга животинка, па русокосата водителка имаше проблеми при (с)облекувањето! Некако, ем тешко, ем споро и оди! Па затоа Снеже побара друг пат да ги продаваат со упатство за употреба.
Нееее… не дека е русокоса, туку дека тешко се снаоѓа во нив, особено кога треба да се… клекне! Без да ти се случи курцшлус! Снеже мора да е во право! Во упатството за употреба, сигурно би пишувало: „Прво соблечи ги па клекнувај“!
Освен тоа убавата водителка се пожали уште на една работа. Она што некои други би го сметале за „компаративна предност“, за не да ти било хендикеп! Многу потеле! Снеже еднаш успеала да ги облече и… се препотила!
И додека „некои тоа го сакаат влажно“, пилатес убавицата ем ТВ водителка, категорична е дека тоа веќе нема да и се повтори! На кожните панталони, мислеше!
„Јер, кожна панталона не иде на све… По све изглеа, најмалку на Снеже Велков!“ – што би рекле скопјани!
