Македонската пејачка и сопругата на водителот Димитар Атанасовски, Сара Костадиновска во септември претходната година се реализираше во улогата на мајка.
Имено, Сара и Димитар ја дочекаа нивната наследничка Илина која оттогаш е центарот на нивното внимание.
За разлика од други познати родители, Диме и Сара не се штедат да ја покажат нивната миленичка, па често ја објавуваат на социјалните мрежи.
Мамо и тато се трудат колку можат да ја вклучат во нивните активности, па често може да видиме „Инстаграм стори“ каде Илина е со тато во студио, со мама во кујна, каде се игра во дневната…
Сара во текот на бременоста беше активна трудница, но и по породувањето не чекаше долго за да се врати на своите секојдневни обврски на професионално поле.
Меѓутоа, речиси да не постои жена која се остварилала во улогата на мајка, а инстантно има тело како пред блажената состојба.
Некои имаат среќа да доживеат мали промени, додека други маки мачат со вишокот на себе. Сара по породувањето имаше вишок на килограми, што е и нормално за постпородилниот период.
Сепак, изгледа дека Костадиновска се вратила во форма и се ослободила од еден од најголемите проблеми на жените – килограмите.
Пејачката на својот „Инстаграм“ објави фотографија од пред огледало, а од истата може да забележиме дека мама Сара изгледа одлично.
Веруваме дека и таа е задоволна од одразот во огледалото.
За потсетување, ќерката Илина неодамна наполни една година, а мама и тато и направија забава.
https://arhiva.vistina.com.mk/radio-mileva/mala-zabava-za-najmalata-vaka-izgledashe-proslavata-za-prviot-rodenden-na-kjerkichkata-na-sara-mejs-i-dimitar-atanasovski/
