Жика Јакшиќ и се извини на публиката на снимањето на „Никогаш не е доцна“ за шегата со забите и рече дека немал намера да навреди никого!
Откако во српските портали излезе информацијата дека водителот на „Никогаш не е доцна“ им кажал на присутните во публиката дека не смеат да се смеат, освен ако не ги имаат сите заби, Јакшиќ им се обратил за време на снимањето оваа недела, зашто почувствувал морална обврска да им се извини.
„Се извинувам што се шегував за нечија насмевка. Не ми беше намера да навредам никого, извинете ако некој се почувствува загрозен. Знаете дека сакам да се шегувам, дека ова е мојот начин… Јас се шегувам и на своја сметка. Се надевам дека нема да ми забележите“ – рече тој.
Да ве потсетиме дека една од жените што присуствувала на снимањата откри дека некои во публиката се навредиле заради недоветната шега на Жика.
„Тој уште пред да започне шоуто ни рече да се смееме колку што е можно повеќе. Ние се смеевме, а тој потоа рече: „Во ред, нека не се смее секој. Вие што немате заби, не морате, за да не ни го расипувате кадарот“ – раскажала жената.
