Кристина Димитриевска која на јавноста и е попозната како поранешната сопруга на пејачот Даниел Кајмакоски, периодов е доста актуелна во медиумите.
Причината за тоа е што таа при крајот на претходната стана мис на Балканот за 2019 година и ја доби дијадемата за најубавата девојка во регионот.
Кристина на јавноста и е позната по тоа што стана и „пејачка во обид“ односно сними две песни „Сакам пак“ и „Само парфем обуци“.
Ако пред неколку години како мажена жена беше во медиумска илегала, сега како разведена е една од најактивните корисници на социјалните мрежи како никогаш досега.
Димитриевска е активна на „Инстаграм“ каде што редовно ги известува фановите за своите активности како на приватен,така и на професионален план.
Па, оние кои ја следат може да дознаат што има ново во животот на пејачката и моделот.
Меѓутоа, освен оние кои ја следат на социјaлните мрежи изгледа има и фанови кои ја следат пејачката и во реалниот свет, а особено оние кои се љубители на она што таа го прави.
Неколку пати преку социјалните мрежи, Кристина доби пофалби, комплименти и убави коментари како од нејзини следбеници, така и познати имиња.
Но, сега изгледа некој отишол чекор понатаму, па наместо лајкови, срциња, коментари на интернет платформите, Кики доби изненадување директно пред врата.
Имено, пред својот дом ја дочека изненадување, поточно станува збор за огромно мече, букет со ружи, благо и парфем.
Таа овој момент го забележа со фотографија од мобилниот телефон и веднаш го сподели на „Инстаграм“ со објаснување:
„Изненадувањето го најдов пред мојата врата“ напиша Димитриевска на „Инстаграм“, a под објавата се нижеа само убави коментари, a некои од нив се: „Убаво изнадување“, „Од него е“, „Заслужуваш секогаш да бидеш среќна“.
Моделот не откри дали со подарокот има и посвета и картичка, ниту покажа од кого е изненадувањето. Па дали и за Кики остана анонимен обожавател или пак таа не сакаше да открие,не знаеме, но некој се потрудил да ја направи среќна.
За потсетување, Димитриевска при крајот на претходната година на социјалните мрежи исто така откри дека некој ја следи.
-Болесно е да те следат! Имете ли малку мозок?- напиша тогаш актуелната мисица која според знаковните симболи покажа дека е револтирана.
https://arhiva.vistina.com.mk/radio-mileva/kristina-dimitrievska-preplashena-nekoj-postojano-ja-sledi-od-zad-grb-a-taa-sobra-hrabrost-zastana-i-go-fotografirashe-foto/
фото: принтскрин/инстаграм
