Александра Илиќ од Ниш се појави на натпреварот „Никогаш не е доцна“, а сега ги сподели деталите од својата борба за потомство.
Александра (41) пее 26 години, но до сега немала храброст да се појави на музички натпревар.
– Некако порано немав храброст, рано се омажив, имам син кој сега има 19 години. Бев целосно посветена на него и на моето семејство. Минатата година, кога наполнив 40 години, веќе размислував да дојдам овде, но не можев. Ја испратив апликацијата, но јас не сакав да дојдам, како нешто да е блокирано, но оваа година успеав да се појавам за прв пат – ја започнува својата приказна ветеранката на Гранд и открива дека талентот за пеење го наследила од нејзиниот татко, кој долго време се занимавал со музика.
– Пораснав со музиката што ја правеше татко ми. Во еден момент направи голема музичка пауза, па го наговорив да се врати, за да ме запознае со таа работа. Имав седум години кога престана да пее, некако ми беше тешко. Навикната сум на нивните дружења и свирки, па успеав да го наговорам да се врати – додава Александра.
Иако рано се омажи, имаше апсолутна поддршка од сопругот кога е музиката во прашање, па денес понекогаш настапуваат заедно.
Александра сподели и тежок период кој го преживеа – губењето на бебето, а нејзината приказна треба да послужи како поука за сите парови кои се борат за потомство.
– Мојот син тогаш имаше 4 години, а јас изгубив уште едно бебе во петтиот месец. После тоа не можев да забременам, не знам зошто, се е во ред со мене. Отсекогаш сакав да имам повеќе од три деца, тоа секогаш го велев, но не беше можно. Тогаш ми беше тешко да издржам, паднав во депресија, земав лекови. Не го кријам и јавно зборувам за тоа, мислам дека треба да се каже такво нешто. Фала му на Бога, еве ме жива, здрава и тука со вас. Многу зажалив тогаш, но на крајот кажав којзнае за што е добро. Секогаш кога зборувам така со луѓе кои имаат таков проблем, се трудам да им помогнам и да им олеснам, но секој различно го доживува – открива натпреварувачката за „Гранд онлајн“.
На крајот призна дека и сега плаче кога се во прашање некои емотивни песни, а особено една песна ја погодува.
фото:Ало.рс/принтскрин
