Започнаа снимањата на четвртата сезона на серијата „Преспав“ која ќе започне да се емитува во декември на првиот канал на МРТВ.
Со продуцирање на новите 20 епизоди од четвртата сезона, „Преспав“ ќе одбележи јубилеј – 100 епизоди од најуспешната ТВ серија.
Талат, Ула, Коста, Јелена, инспектор Томе, чичко Миле, Марио…деновиве активно работат на снимањата, а вие за еден месец ќе имате прилика на ТВ екраните да ги гледате финалните продукти односно новите епизоди.
https://arhiva.vistina.com.mk/radio-mileva/i-da-ne-se-prijavite-vish-inspektor-tome-kje-ve-najde-pansion-prespav-vo-novo-ruvo-pa-sega-i-vie-mozete-da-bide-megju-gostite-eve-kako/
Додека да започне да се емитува серијата, Тијана Дапчевиќ или Ула од „Преспав“ на своите следбеници им покаже како изгледа атмосферата зад камерите.
Имено, додека не се на снимање, Тијана е во акција, па го зема мобилниот телефон и ги снимаше колегите. Прво се се снимаше со Игор Џамбазов, а во описот на видеото порача: „Македонијо прибери се“.
Го снимаше Дритон Вејсели, односно Талат кој ја имаше улогата на рецепционер во „Преспав“. Талат додека не снима, како што вели на видеото сурфа на „Инстаграм“.
Тука е и Горан Стојановски односно инспектор Томе кој порача дека се чувствува убаво.
Игор Ангелов, односно Коста кога забележа дека Дапчевиќ го снима веднаш се насмеа.
Она што е интересно е што Дапчевиќ ја покажа и својата нова колешка (кукла), но не откри ниту која ќе биде нејзината улога.
Освен колегите, Тијана го снимаше и амбиентот на „Преспав“, па покажа дел од просторот на пансионот и каде го поминуваат најголемиот дел од времето.
Што ќе понуди новата сезона, какви промени ќе има, останува да видиме од декември.
