Заедно се 32 години, се свршија пред 11 години, а сега конечно го изговорија судбоносното „да“.
Пејачот на бендот „The Pogues“, Шејн Мекговен (60) се венча со новинарката Викторија Мери Кларк (52) со која е во врска од 1986 година.
Невестата носеше долг портокалов фустан, а на главата имаше венче од цвеќе, додека младоженецот носеше шешир, одело и ни помалку, ни повеќе, туку влечки.
Двојката се венчаше во Копенхаген, а специјален гостин беше Џони Деп, кој со Мекговен се дружи веќе две децении.
Иако планирале да се венчаат во тајност, Шејн и Викторија на крајот повикаа неколку пријатели и членови на семејствата и направија мала забава.
Со оглед на тоа дека Џони деп е и музичар, тој со својот бенд отпеа неколку песни.
View this post on Instagram
Инаку, Мекговен стана познат во 80-тите и оттогаш привлекуваше внимание со своите расипани заби. Ситуацијата дополнително ја влоши консумирањето алкохол и дрога, па пред 10 години целосно остана без заби. Конечно се реши за забарска интервенција во 2015 година и доби соврешни заби, не сметајќи го едниот златен кој побарал да го има.
