Бракот на Богдана и Вељко Ражнатовиќ трае речиси три години, а за сето тоа време домашната јавност имаше можност многу малку да дознае за нивната врска.
После „свадбата на деценијата“ јавноста многу малку знае за нивната врска. Последните информации за брачниот пар Ражнатовиќ пристигнаа неодамна, кога дознавме дека од куќата во Тител се преселиле во семејната вила на Цеца, за малиот Жељко да оди во градинка, а Вељко бил посветен на спортскиот ангажман во „Црвена звезда“.
Сепак, младиот спортист на социјалните мрежи ретко објавува фотографии од сопругата, а таа пак го крие својот Инстаграм од љубопитните очи. Токму овој превез на мистерија ја натера јавноста да се запраша дали бракот на Богдана и Вељко е само навидум идиличен, како што се вели во приказната, или тие се навистина совршениот пар кој љубовта ја чува за себе.
За среќа, второто е точно! Богдана и Вељко после долго време објавија заедничка фотографија, на која насмеани и среќни уживаат во уште еден заеднички ден. Емоцијата срце која ја додадоа на објавата сведочи дека и по речиси три години брак, љубовта на парот е силна како првиот ден.
Фото: Принтскрин/Инстаграм/veljkoraznatovicfan10
