Поранешниот сопруг на Клои Кардашијан, кошаркарот Ламар Одом, издаде автобиографија во која ја обвини Клои за напад на стриптизета.
Инцидентот наводно се случил во 2012 година, додека тие двајцата беа во брак. Одом тогаш бил во хотел каде повикал неколку стриптизети, а Клои им упаднала. Добила клуч од вработените во хотелот и нејзината мајка била со неа.
Влегла во собата и скокнала на првата девојка што ја видела. Почнала да ја удира и ја претепала, сликовито опишува Ламар во книгата „Darkness to light“. Мама Крис како и обезбедувањето се обидувале да ја извлечат бесната Клои, додека останатите стриптизети се разбегале, неведува тој.
Кошаркарот и ријалити ѕвездата се венчаа во 2009 година, но поради неговите неверства и дрогата се разделија во 2013 година.
Клои во 2015 покрена бракоразводна парница, која ја стопираше откако Ламар за малку не почина по бурниот викенд во Невада.
