Дојде крај на агонијата низ која поминуваше Тања Савиќ поради нејзиниот сопруг Душан. Имено, тој во април, претходната година ги однесе децата во Австралија без нејзино знаење. Отогаш пејачката ги нема видено своите наследници.
Пејачката го судеше сопругот, а во текот на вчерашниот ден изненади со објава на „Инстаграм“ поради која многумина помислија дека конечно ќе и бидат вратени децата.
Моите две најголеми љубови. Максим и Ѓорѓе. Залудни беа сите овие 335 дена без вас. Иако бев многу осамена, некако, со вашата смеа која (и покрај физичкото одвојување од вас) не ми згасна во умот. Вашиот глас ми даде надеж. Гласот на моите ангели. Само ние знаеме колку е волшебна таа љубов меѓу нас. Нешто што не може да се опише со зборови. Но, со поглед и насмевка може. Оние моменти кога разбираме и кога не зборуваме немаат цена. Додека цело време се држиме за раце од дома до училиште … Додека лежиме заедно навечер и се смееме на моите смешни измислени бајки . Сето тоа беше прекинато некое време. Животот не е бајка … , напиша таа на Инстаграм со слика на нејзините синови.
Да се биде мајка е Божјиот повик да се биде борец и учител. Кога ќе станеш учител од ученик, тоа е победа. Победа над себе си. Вие сте мои херои. Ми дадовте сила да издржам. Мојата радост и моето срце треперат за нашите немирни и разиграни идни денови. Нашите молитви да бидеме заедно конечно беа слушнати! Мама ве сака , напиша Тања и се заблагодари за поддршката:
„Ви благодарам што секогаш бевте таму кога треба. Јас сум најсреќната мајка!”, напиша Тања на Инстаграм/
Пејачката се огласи за пинк.рс и истакна дека го добила старателството над децата и дека ќе оди во Австралија по нив.
„Вистина е дека ги добив децата. Многу сум среќна“, изјави Тања, па откри дали децата се кај неа или не.
„Не, јас ќе одам по нив во Австралија. По судска потстапка е пресудено дека децата ми припаѓаат мене и јас сега ќе одам по нив Австралија и да ги доведам во Србија“, изјави пејачката.
