Таа има 59 години и никој не и верува: Моника Белучи облече црн фустан и откри која е нејзината модна формула (фото)

Кога станува збор за Моника Белучи, добро е познато дека модата одамна ја врти на нејзиниот мал прст.

А нејзината испробана и вистинска модна формула  на сите им ја откри: црна, црна и црна!

На ова ја научи ќерката Дева Касел, која е веќе познато лице во светот на манекенството, а на моден план ја следи мајка си.

Моника ретко се гледа во друга боја освен црна, можеби во некои бордо или слични нијанси, но секогаш е облека во која доминира темна боја.

Ниту во неодамнешното појавување таа не се откажа од својата модна формула, па донесе уште еден целосно црн стајлинг на кој тешко се наоѓа мана.

Имено, за премиерата на филмот ‘Diabolik Chi Sei?’ Моника Белучи на филмскиот фестивал во Рим избра фустан кој на најдобар начин ја истакна нејзината фигура. Тоа беше црн фустан, кој ја следеше линијата на нејзините форми и се ширеше од колена надолу, како сирена. 59-годишната Италијанка покажа дека апсолутно знае што и одговара и како да се облече за црвениот тепих, а овој пат доминираше и во модата со моќните (и прескапи) додатоци.

Што се однесува до обувките, таа носеше високи потпетици од брусена кожа со платформа, со потпис на Кристијан Лубутин, а за накит го избра Картие. За обетките Clash de Cartier потрошила 4.800 евра, а за прстенот 2.600 евра. Стајлингот го заокружила со црна сјајна чанта Dolce & Gabbana x Kim, чија цена е 1700 евра.

Фото: Принтскрин/Епа-Ефе