Сопствениците на модното студио „Црнокрак“, брачната двојка Светлана и Мики со години важат за пар кој покрај семејниот бизнис исполнет со убавина, има еден од најстабилните и најсреќни бракови.
Вообичаено е за луѓето од јавниот живот, особено естрадата или светот на модата и убавината во чиј домен е нивната работа, да биде предмет на „туѓите погледи“, озборувања, чаршиски муабети, афери, трачеви… Постојано да си опкружен со убавици, а тоа да ти бидер само професионална обврска е отприлика како онаа – со пчеларот: да го собираш медот, а да не сркнеш од него!
Но, по се изгледа поривот да се истрае во модниот бизнис и светот на убавината, судирајќи се постојано со предизвикот и искушението, особено кога си во помлади години, Мики Црнокрак успешно го пребродил и се’ уште го прави тоа, зашто убавината му е постојано пред очи, ама и при срце. Неговата сопруга, манекенката и модел и ТВ презентер Светлана Црнокрак со години важи за една од најубавите жени во Македонија, а нивната љубов крунисана со брак трае повеќе од две децени.
Токму 21 годишнината од бракот Светлана и Мики ја прославија во еден отмен скопски локал, при тоа добивајќи дузина честитки, но сепак најубавата и најслатка честитка стигна токму од „плодовите“ на нивната љубов – нивните две ќерки, Моника и Нина.
Поголемата – Моника, која израсна во вистинска убавица која убавината ја наследила од родителите, особено од мама, е студент на Економскиот факултет на Универзитетот Св. Кирил и Методиј во Скопје, а помалата, 7 годишната Нина – „втораче“!
Среќната брачна двојка од своите убавици доби чоколадна торта во облик на срце со посвета…
…Па, моментот го овековечи со семејна фотографија: брачната двојка Црнокрак и „плодовите“ на нивната љубов која трае, крунисана со 21 година брак! Нека е честито и вечно!
