Прашината што се крена откако Меган Маркл и нејзиниот сопруг принцот Хари решија да му кажат на целиот свет зошто решија да го напуштат британското кралско семејство сè уште не се симнува. И додека многу светски медиуми и филмски продуцентски куќи се борат да соработуваат со нив, српските режисери излегоа со проект за животот на двојката која решија да ја напушти Бакингемската палата и да се пресели во Америка.
Како што српските медиуми наводно дознаваат од ексклузивно актерските кругови, еден познат српски режисер пролетва има намера да започне со снимање на филм за случките во кралското семејство, кое во моментов е тема број еден во целиот свет.
Главните улоги, ако сè оди како што замислил авторот на проектот, треба да ги толкуваат фолк пејачката Тања Савиќ како војвотката од Сасекс – Меган Маркл и Владимир Алексиќ, како нејзиниот сопруг – принцот Хари. Улогите сè уште не им биле понудени, но режисерот, чие име се чува во тајност, ги посакува во неговиот проект. Кој ќе ја добие понудата да ги игра принцот Вилијам, Кејт Мидлтон, кралицата Елизабета, но и нејзиниот син Чарлс, снаата Камила и сопругата на принцот Филип, сè уште не е познато. Како што не е јасно зошто режисерот ја сака токму фолкерката во главната улога. Според извори од актерските кругови, специјално за таа пригода во Војводина ќе се гради модел на Бакингемската палата, кој ќе се користи за снимање на филмските сцени.
Исто така, веродостојно ќе бидат прикажани сите делови засновани на интервјуто што Меган и Хари неодамна и го дадоа на водителката Опра Винфри. Актерот Владо Алексиќ, се изнасмеал кога новинарите го повикале и му објасниле какви информации добиле. За него, овој проект изгледа нереален.
„Кога официјално ќе ја добијам таа понуда, тогаш ќе разговараме. Сега само слатко ме насмеавте“ – рекол Алексиќ. Фолкерката Тања Савиќ засега била недостапна за свој коментар.
Фото: Профимедиа/Инстаграм принтскрин/vladimiraleksic/tanja_savic_private
