Тужбата која во 2017 година ја поднесе поранешна девојка на Чарли Шин против актерот бидејќи криел од неа дека има ХИВ, е решена со спогодба.
Шин се согласил да ѝ исплати на неименуваната жена 120.000 долари во рок од една година, според одлуката на Врховниот суд во Лос Анџелес.
За потсетување, славниот актер во ноември 2015 година соопшти дека е ХИВ позитивен.
View this post on Instagram
Во тужбата поднесена пред 5 години се наведува дека Чарли имал незаштитен секс со неа пред да ѝ открие од што боледува, пишува „Daily Mail“. Уште во 2016 година властите размислувале за отпочнување истрага против Шин поради тврдењето дека изложил неколку други жени на полово преносливи болести без предупредување.
Актерот во емисијата „Today“ открил дека ја криел дијагнозата од најмалку двајца сексуални партнери, но и дека во текот на сексуалните односи користел заштита.
Калифорнискиот закон забранува намерно изложување на други лица на заразни болести.
View this post on Instagram
На познатиот Шин му бил дијагностициран ХИВ вирусот во 2011 година, но таа информација не ја откри во јавноста сè до ноември 2015 година кога неговата поранешна вереничка Брет Роси поднела тужба, тврдејќи дека имале секс 5 пати пред таа да ја дознае вистината.
Истата година уште една поранешна девојка на Чарли, Бри Олсон, изјави дека тој никогаш не ѝ кажал за својата здравствена состојба.
фото:Инстаграм
