Се знаат оддамна, ама последниве година ипол -две, беа неразделни. Како грнче и капаче, како петок и сабота… Беа како како „г*з и гаќи“ што би рекол народот, како браќа… До душа „топли“ – тврдат некои, ама тоа е нивна лична работа. Аферата „Рекет“ што ја стресе земјава ги раздвои, а нивната дружба ја оневозможена на „неодредено“ време.
![](https://arhiva.vistina.com.mk/wp-content/uploads/2019/08/Screenshot_23-4.jpg)
За Боки 13 сите знаат каде се наоѓа во моментов, но знае ли некој каде е неговиот моден ангел чувар, Сергеј Варошлија? Емисијата на „модниот гуру“ му заврши пред аферата „Рекет“ и да почне, па уште оттогаш не го гледаме на ТВ екраните. Потоа, видовме дека дружбата со Боки 13 тече по постираните фотографии и видеа од разни локации, воглавно по Грција и грчките плажи.
![](https://arhiva.vistina.com.mk/wp-content/uploads/2019/08/lila-slobodni-i-srekjni.jpg)
Но, откако Боки 13 „падна“, Сергеј исчезна! И тоа преку ноќ! До душа во моментот на лишување од слобода на „Тредичи“ на граничниот премин Богородица, Сергеј не бил со него во џипот, со кој Боки и двочлената женска придружба тргнале на грчкиот остров Миконос. Тоа ги подгрева теориите дека „другарчињата“ уште претходно ја „спукале“, како што тврдат поединци, иако оваа теза не е ниту докажана, ниту потврдена!
![](https://arhiva.vistina.com.mk/wp-content/uploads/2019/08/Screenshot_22-2.jpg)
Други пак велат дека Сергеј толку се потресол и исплашил, што бил на работ „да му пукне душата“… Што по другарчето, што заради себе, па решил едноставно да исчезне на некое време од јавниот живот и тоа се’ уште трае…
![](https://arhiva.vistina.com.mk/wp-content/uploads/2019/08/Screenshot_25-3.jpg)
„1ТВ“ оддамна „испуши душа“, а телевизијата повеќе не е ниту во сопственост на старите сопственици или барем на оние, што така се преставуваа и „оди на добош“. Порталот на 1ТВ е се’ уште активен, ама само фиктивно… И таму Сергеј оддамна го нема!
![](https://arhiva.vistina.com.mk/wp-content/uploads/2019/08/Screenshot_10-6.jpg)
Како што преку ноќ го снема и од социјалните мрежи, па неговите профили на Фејсбук и Инстаграм останаа „замрзнати“ речиси без нови објави!
![](https://arhiva.vistina.com.mk/wp-content/uploads/2019/08/Screenshot_18-4.jpg)
Нема нови постови, фотографии, коментари… Нема ништо освен временска празнина!
![](https://arhiva.vistina.com.mk/wp-content/uploads/2019/08/Screenshot_54-5-700x581.jpg)
На местата каде што обично можел претходно да се забележи повеќе не се појавува, на јавни собири уште помалку, зашто сега и ги нема, па сето тоа наведува на уште една помисла: Каде е, дали и зошто воопшто се крие „модниот гуру“?
![](https://arhiva.vistina.com.mk/wp-content/uploads/2019/08/Screenshot_15-4.jpg)
Има ли нешто што само Варошлија го знае или едноставно не можејќи да го поднесе „распадот на империјата“, самиот се повлече во илегала… За да „не му пукне душата“!
![](https://arhiva.vistina.com.mk/wp-content/uploads/2019/08/Screenshot_11-5.jpg)
Форто: Инстаграм и Фејсбук принтскрин