Холивудскиот актер Том Круз има навика секоја година на стотици свои пријатели да им подарува ист подарок за Божиќ.
Тиктокерката Дана Шварц сега објави видео на кое е прикажана прекрасно завиткана златна кутија на која пишува: „Најубави желби за празниците, Том Круз”. Дана потоа откри што има во кутијата.
„Секоја година Том Круз на стотици луѓе им праќа ист празничен подарок. Секогаш испраќа бела чоколадна торта од кокос“, откри таа и ја покажа тортата. Дана е во брак со човек кој со години работел како сценарист на различни проекти со Круз и на тој начин тој завршил на неговата листа на луѓе на кои треба да им го испрати овој празничен подарок.
„Оваа торта е толку добра што главно поради неа се омажив за Иан“, се пошегува Тиктокерката.
@danaschwartzzz Merry Cruisemas to all and to all a good night. This cake is so good that it’s pretty much why I married @Ian Karmel #christmas #tomcruise #tomcruisecake ♬ Sleigh Ride – Leroy Anderson
Овој необичен потег на Том првпат го откри актерката Коби Смолдерс, гостинка во шоуто на Џими Фалон. Покрај Коби, торта за празниците добиваат и многу други. Актерот еднаш откри зошто почнал да ја практикува оваа традиција.
„Сакам слатки, но ги избегнувам поради тренинзите и подготовките што ги поминувам за филмовите. Затоа го испраќам на други“, изјави актерот за „People“.
Фото: Printskrin/Instagram/tomcruise
