Се огласи старлетата Тијана Ајфон откако непознат маж ја нападна: „Преплашена сум до смрт“

Тијана Максимовиќ (31) пред две ноќи била нападната пред нејзината зграда, а од вооружен маж ја спасил пријател кој случајно се нашол на местото на настанот.

По шокот што го доживеа и апсењето што и се случи пред очи, ексклузивно за Ало.рс раскажа како се случил инцидентот.

– Синоќа околу 23 часот и 30 минути на Звездара кај трговскиот центар ме нападна манијак кога требаше да го паркирам автомобилот – ни рече Тијана, а потоа продолжи:

– Манијакот ми се закани и во еден момент извади нож со кој тргна кон мене и цело време се закануваше со него. Го замолив да се оддалечи, но тој не го стори тоа. Успеав да се јавам на пријател, кој ми дојде на помош, а би сакала да им се заблагодарам и на соседите кои минуваа, но застанаа да ни помогнат – ни кажа во еден здив старлетата. Како што ни кажа, успеале да повикаат полиција која веднаш дошла и го привела насилникот.

Брзата реакција на полицијата ме спаси мене, мојот пријател и луѓето околу мене. Не сакам ни да помислам како ова можеше да заврши! Благодарност до полицијата и сите што реагираа брзо – ни изјави таа.

Како што ни објасни и таа, поради истрагата која е во тек, не е во можност да даде подетални изјави на оваа тема, но не крие дека се плаши за својата безбедност.

– Со денови ги гледам овие ужаси и читам за масакрите на училиште и во Младеновац, не сфаќајќи дека и јас самата ќе бидам мета на психопат само неколку дена подоцна. Го видов човекот кој ме нападна за првпат во животот и навистина не знам кој беше неговиот мотив. До смрт се исплашив од ножот што го држеше во рака, а кој сè уште го имаше кога дојде полицијата. Уапсен е, но што ќе биде кога ќе излезе од затвор – прашува Тијана.

Да потсетиме, Тијана Максимовиќ и нејзиниот пријател Б.Р.(49) пријавиле во полиција извесен М.Т.(43) дека ги нападнал со нож. Полицијата веднаш дошла на местото каде што се случил инцидентот и пронашла вооружен маж, кој во моментот кога видел полиција го фрлил ножот.

Старлетата Тијана Ајфон, која на јавноста и стана позната по учеството во реалните шоуа, пред две години се повлече од медиумите и започна сопствен бизнис. Имено, покрај салонот за убавина што го отвори, таа почна да дизајнира и костими за капење.

фото:Инстаграм принтскрин/тијана ајфон