Некои луѓе бракот го сфаќаат како обврска, други го доживуваат како среќа за двајца, трети го практикуваат како поле за сексуален натпревар меѓу половите, четврти во него влетуваат заради опстанок на врстата и продолжување на семејната лоза, петти, шести, стоти… Секој има свој мотив, свои причини, свои желби и потреби и уште стои една работа заради која влегува во брачните води. Кому како му е потоа… Е, тоа е веќе друга тема на муабет!
А кога сме веќе кај брачните муабети пејачката и харфистка Сара Костадиновска попозната како Сара Мејс и водителот и маркетинг шеф Димитар Атанасовски се секако една од најпознатите македонски брачни двојки, кои имаат јавна професија.
Како дошло до нивната„спојка“ и кој кому му предложил „доживотна љубов“ и заеднички живот на долги стази, во друга прилика. Она што е евидентно едека Сара и Димитар се речиси неразделни во многу нешта. Како посветени родители на (засега) првиот плод на нивната љубов, нивната ќеркичка Илина, во извршувањето на домашните обврски, културно-забавниот живот, забавата, релаксацијата… Во многу нешта, а однеодамна и во она што се нарекува заеднички настап во маркетиншко-рекламни цели. Како двојка од турска серија, што би рекла и самата Сара.
Имено познато едека Димитар е сопственик на една позната домашна маркетинг агенција копја има сериозни домашни и светски брендови и марки за клиенти, па затоа потребна е и сериозна кампања и убедлив настап во јавноста за нивните производи и услуги.
А каде ќе најдеш подобар „стратешки партнер“ ако не во жена ти, па затоа Димитар и Сара тргнаа заедно и во освојување на пазарот. Ако можат заедно во животот, зошто не би можеле и во рекламниот бизнис?
Се разбира засилени со „круната на нивната љубов“, нивната мала принцеза во улога на главна ѕвезда.
А кога си успешен, не ти гинат написите по порталите, насловниците во магазините и списанијата… Најтазе, нивната „лав стори“… Кој „мери кој сече“ по дома, кој е домаќин, а кој гостин во сопствениот дом, кој е газда, кој коси, а кој вода му носи и во која ситуација, и воопшто кој е кој – само тие двајца си знаат. Впрочем, тоа си е ионака само нивна работа. Ама дека се тандем од соништата, покажаа и пред фотообјективот во кујната.
Домаќинска естетика, зачинета со суптилна еротика, колку за возбудата да биде поголема, а набојот пуштен на најјако… За да биде поинтересно и попримамливо.
Иако од приложените фотографии се гледа дека „брачната двојка“ одлично се надополнува дури и во кујната.
Конечно, фантазијата нема граници, па бујните мечти дури и при полнењето пиперки можат да ја поттикната волшебната игра на сетилата.
Зарем Сара Мејс и Димитар Атанасовски не се жив доказ дека: „Зад секој домаќин во кујната стои успешна жена и зад секоја (у)среќ(е)на домаќинка стои „добар полнач“… на бабури!
Колку за да не ги мислите… За другото, прочитајте во „М магазин“, едно од последните списанија на македонскиот медиумски простор.
Фото: Инстаграм принтскрин/sarahmace/dimitaratanasovski_/
photoshoot for @maski_magazin_mk #coverpage @martintrajanovski 📸
