Парис Хилтон планира во иднина да создаде семејство.
Заедно со својот свршеник Картер Реум се одлучиле на следен чекор односно вештачко оплодување.
Како што истакна во едно интервју, за овој потег се одлучила бидејќи сакала да си ја исполни желбата да добие близнаци, односно девојче и момче.
„Се одлучивме за тоа бидејќи така можам да добијам близнаци“, изјави таа.
Парис откри дека за тоа ја советувала нејзината пријателка Ким Кардашијан која доби две деца со помош на сурогат мајка.
„Не знаев ништо за тоа. Драго ми е што ми даде совет и што ме запозна со нејзината докторка“, додаде Парис.
Таа посочува дека веќе ја завршила првичната постапката при оплодувањето.
„Беше тешко, но знам дека вредеше. Јас го направив тоа неколку пати и полесно е со партнер кој ме поддржува и ме прави да се чувствувам како принцеза“, потенцира Хилтон.
„Навистина сум среќна што се одлучивме за овој важен чекор. Верувам дека да се има семејство и деца е смислата на животот“, заклучи таа.
