Ристе Ристески сите го паметиме по учеството и победата на регионалното музичко шоу „Ѕвездите на Гранд“.
Имено, пред две години, Ристески со гласови од публиката го освои првото место и тој е единствен Македонец кој досега има победено во музичкото шоу.
По победата Ристе се врати во родниот Охрид и имаше настапи низ цела Македнија. Исто така тој ја издаде својата прва песна „Добро јутро тајно“.
Охриѓанецот пред крајот на претходната година замина во Белград каде што се пресели да живее и да ја гради својата музичка кариера.
Ристески периодов активно работи на својот нов видео запис и на својата нова песна која наскоро треба да излезе во етерот.
На својот „Инстаграм“, Ристе сподели неколку фотографии од снимањето.
„Уште те има во крвта, неизлечиво“, напиша Ристе во описот на фотографијата.
Како ќе изгледа новата песна на македонскиот победник останува да видиме.
