Индира Левак, поранешна пејачка на хрватската техно-денс група „Колонијата“, стана позната во Хрватска и во регионот во средината на 90-тите години, но ова не била нејзина прва работа. Уште од тинејџерка, таа знаела дека музиката ќе биде нејзина животна определба и целосно и се посветила. Додека одела во нижото музичко училиште во нејзината родна Чупања, каде свирела кларинет, Индира станала член на окружниот дувачки оркестар, со кој настапувала на разни манифестации.
Меѓу другото, тие често беа поканувани да настапуваат и на погреби, односно да го испраќаат починатиот со музика. Според хрватскиот весник 24 Сата, Индира благодарение на тоа ги заработила своите први пари, а подоцна започнала да работи во општинската администрација.
Потоа случајно ги запознала Борис Ѓурчевиќ и Томислав Јелиќ – Камени, кои беа радио водители и продуценти, па и предложија заедно да снимат сингл. Така е создаден албумот „Колонија проект“ 1996, кој ја вклучуваше песната „Сè околу мене е грев“, што ги лансираше на самиот врв на музичката сцена во Хрватска.
Тогаш тројцата решиле да го именуваат својот бенд „Колонија“ и така ја продолжија својата кариера се’ до 2017 година, кога Индира ќе реши да започне соло кариера.
