Повеќе од една недела, Тамара Тодевска и нашиот евровизиски тим ја живеат возбудата во Тел Авив – Израел каде вчеравечер заврши 64-то издание на Евровизија 2019 со победа на Холандија.
Уверени дека со добра песна созданена од вистинскиот тим ќе допрат барем во топ 10, стана реалност, па дури и подобро од тоа.
![](https://arhiva.vistina.com.mk/wp-content/uploads/2019/05/60361304_10155909885187041_1721885344250462208_n-1.jpg)
Македонија учествува на Евровизија од далечната 1998 година, но никогаш не сме покажале позначен пласман и не сме доживеале поголема еуфорија како онаа вчеравечер.
По прогласувањето на победникот, не спласна возбудата кај македонскиот тим, кој на чело со Тамара славеше со шампањ пред хотелот.
![](https://arhiva.vistina.com.mk/wp-content/uploads/2019/05/tr-3.jpg)
Честа да го „пукне“ шишето ја имаше секако таа, најгордата, кој од преголема среќа едвај се држеше на нозе.
![](https://arhiva.vistina.com.mk/wp-content/uploads/2019/05/tamara-7.jpg)
Солзи, смеа, адреналин…измешани емоции кои сме сигурни дека нема никогаш да ги заборави.
![](https://arhiva.vistina.com.mk/wp-content/uploads/2019/05/tri.jpg)
На социјалната мрежа Инсатграм Тамара објави снимки од тоа што се случувало откако се изгасија светлата на спектакуларната сцена во Тел Авив.
![](https://arhiva.vistina.com.mk/wp-content/uploads/2019/05/hre.jpg)
Во едно од интервјуата дадени за Македонската телевизија по првата полуфинална вечер, Тамара изјави дека се додека не види, не верува во ништо кога е во прашање пласманот.
![](https://arhiva.vistina.com.mk/wp-content/uploads/2019/05/jdzt-1.jpg)
Но, сега нејзиниот сон се оствари, среќните чевли кои ги носеше како амајлија треба да ги има почесто на себе, а мајчинство кое ја инспирираше, беше клучот дека токму таа љубов, најчистата и највозвишената ја донесе на врвот!