Пејачката Дара Бубамара неодамна ја раскина врската со Тони, кој е повеќе од две децении помлад, а сега во српските медиуми се појавија шокантни информации за него, во врска со наводните незаконски постапки на неговото семејство.
Тој се претстави како Тони, додека неговото вистинско име е Марко Дујаковиќ, а пред три години тој и неговиот татко користеле разни измами за да набават лични документи од сограѓани од околината на Шид, кои потоа наводно ги продале за големи пари, пренесува „Ало.рс”
Според овие наводи, во 2018 година, таткото и синот ги злоупотребиле личните податоци на многумина.
– Глупост е. Првпат го слушам тоа. Не знам што направи татко ми – изјави поранешниот дечко на Дара Бубамара за споменатиот медиум, додека пејачката не беше достапна за коментар.
Да потсетиме, Дара и Тони честопати го привлекуваа вниманието на медиумите со голи фотографии, патувања на егзотични локации, додека за време на нивната врска таа истакна дека никогаш не била посреќна.
