Младиот македонски ликовен уметник и соднеодамна сопруг на нашата пејачка каролина Гочева, Михаил Корубин завчера, 18-ти април, 2019 год. ја отвори својата соло-изложба „Gaze“ во галеријата МЦ во Њујорк, која вклучува слики од среден до голем формат во масло и акрилик на платно. Неговата соруга и негова муза, Каролина е со него и го придружува во Њујорк.
Разбирливо таа вечер таа беше покрај него, за да да му даде поддршка и кураж, да му биде потпора и потстрек во отворањето на патот кон уметничката славанадвор од границите на Македонија. Впрочем, како што веќе пишувавме и е познато, Каролина е и на насловната фотографија на најавата за изложбата во „Големото јаболко“ на нејзиниот сопруг.
„Мило ми е да ја најавам мојата соло-изложба ’Gaze’ во Галеријата МЦ во Њујорк. Се надевам дека ќе се видиме таму наскоро“, објави Корубин на својот Фејсбук профил непосредно пред заминувањето за САД.
И навистина таа вечер њујоршката „МЦ галерија“ била полна со интересенти, љубители на уметноста кои дошле на отворањето на изложбата на младиот македонски уметник.
Меѓу сите поканети званици и Македонци кои живеат и работат во овој светски центар на модата, уметноста, културата…
А меѓу Македонците и неколкумина познати уметници, ама овие – музички.
Имено македонскиот композитор и пијанист Дуке Бојаџиев кој со години живее и работи во Њујорк беше еден од соработниците на Каролина која ја отпеа неговата песна „Зборови немам“.
Покрај него тука беше и стариот соработник на Дуке, македонскиот виртуоз на кларинет Исмаил Лумановски кој исто така дојде да му даде поддршка на уметникот Корубин, но и сите заедно да се видат и добро да се дружат со Каролина и Михаил и по изложбата.
Веројатно после таа вечер најдобро и прилегаат стиховите од текстот на заедничката песна на Дуке и Каролина: „Зборови немам да опишам, што чувствувам вечерва, во песна ги точам јас мислите мои за тебе…“ А кој да знае, можеби токму од оваа дружба и ќе произлезе уште некоја нова заедничка песна.
