Најголемиот регионален текстописец Марина Туцаковиќ почина на 19 септември по борбата со опасната болест.
Имено, Марина долго време водеше битка со опасната болест, а последните неколку дена беше заразена со коронавирус и беше на респиратор.
Марина напиша голем број на хитови за познатите, а сега се појави и тефтерот во кој текстописецот ги запишувала песните.
Имено, нејзиниот син Милан Лача Радуловиќ во редакцијата на нова.рс ја однел тератката во која Туцаковиќ ги запишувала песните.
Марина кариерата ја започнала соработувајќи со групата Зана, за која ја напишала песната „Додирни ми колена“.
Туцаковиќ е авторка на песните на Цеца Ражнатовиќ, Драгана Мирковиќ, Лепа Брена, Јелена Карлеуша, Здравко Чолиќ, Тоше Проески, Џеј, Жељко Самарџиќ, Неда Украден, Ана Николиќ, Наташа Беквалац, Харис Џиновиќ, Тања Савиќ….
„Таа некои песни ги напиша бесплатно, само од љубов и добра желба. Таа беше жена која беше подготвена да прости и не беше злопамтило. За неа сите беа добри“, вели Лача.
Лача во разговор за нова,.рс вели дека некои песни ни самиот не може да ги прочита бидејќи некои песни Марина ги пишувала и додека подготвувала ручек или кога имала инспирација.
Како што вели набрзина ќе земала пенкало и почнала да пишува.
„Марина Туцаковиќ како личност, а не како моја мајка, е некој кој ја воведе професијата текстописец во нашата земја“, вели Радуловиќ.
На еден лист се наоѓа и демо верзија на песната „Клинка“ која Ана Николиќ ја објави на нејзиниот последен албум во 2020 година.
Милан Лача Радуловиќ истакна дека Марина не му се мешала во пишувањето на неговите песните ниту пак сакала да вметнува нејзини елементи.
