Вчеравечер, 28 октомври, во 19 часот и 15 минути, на „ТВ 24“ почна да се емитува „Гласна куќа“, првата тинејџерска ситком-серија, во продукција на КМК продукција, заедно со Актерската школа на Весна Петрушевска.
Сценариото е на Димитар Банов, а режијата е на Петрушевска. Серијата е плод на работата на првата генерација ученици во актерската школа на првенката на Македонскиот народен театар. Музиката и текстот во најавата се на Игор Џамбазов, а аранжманот е на Никола Перевски Пере.
Модерната македонска тинејџерска телевизиска серија „Гласна куќа“ ќе биде задолжителна и за родителите, вели Виолета Дамевска-Ѓоргиева, продуцент на проектот.
„Не само што сметаме дека ќе ја гледаат, туку како родител сметам дека е оваа серија е задолжителна и за родителите, бидејќи содржината на проектот е многу искрена и реална. Така ќе им помогнеме на родителите да ги запознаат своите деца и нивната реалност, нивните желби, стравови и предизвици одблиску“ – вели Дамевска-Ѓоргиева.
Досега се снимени 10 епизоди, а по излегувањето во етер и мал одмор од продукцијата најавуваат дека ќе почнат со подготовки за втората сезона која веќе има и свој облик.
Поврзани вести
Моменти на кои не издржаа да не се смеат: Зад сцената од снимањето на 7-та сезона на „Преспав“ (видео)
Драма на настапот на Раста во Загреб: „Тинејџерите беа очајни, надвор се смрзнувавме“ (фото)
