Легендарниот музичар Џери Ли Луис почина на 87-годишна возраст.
Рокенрол иконата почина во својот дом во Мемфис, Тенеси, објави портпаролот на музичарот, Зак Фарнум.
Тажната вест која американскиот TMZ ја објави на 26 октомври се покажа како лажна, за денес светот да слушне дека тој починал. Џери Ли Луис беше тешко болен.
Музичарот се смета за еден од основоположниците на рокенролот, а магазинот „Ролинг стоун“ го вклучи меѓу 100 најдобри изведувачи на сите времиња.
View this post on Instagram
Тој е еден од првите музичари што го промовираа рокенролот како нов правец во популарната музика во 50-тите години на минатиот век.
Џери Ли Луис самиот себе се нарекувал „The Killer“ (Убиец), а беше еден од последните преживеани од генерацијата револуционерни изведувачи, меѓу кои, Елвис Присли, Чак Бери и Литл Ричард.
Најголемиот хит на Луис беше „Големите огнени топки“ (Great Balls of Fire), а неговиот живот, исполнет со контроверзи, беше раскажан во истоимениот филм од 1989 година, во која улогата на музичарот ја толкуваше познатиот холивудски актер Денис Квејд.
фото:Instagram/Jerry Lee Lewis/printskreen
