Дејвид Ворнер, актерската ѕвезда на филмовите „Титаник“, „Омен“ и „Трон“, почина на 80-годишна возраст, по тешка битка со ракот, пишува „Дејли мејл“.
Тој почина во дом за стари лица од естрадата, а тажната вест со присутните ја сподели неговото семејство.
– Во текот на изминатите 18 месеци достоинствено се бореше со порочната болест. Тој многу ќе им недостига на пријателите и семејството и ќе остане запаметен како човек со љубезно срце, дарежлив и сочувствителен, партнер и татко, чие наследство од извонредна работа допре до животите на многумина. Нашите срца се скршени – се вели во соопштението на неговото семејство.
Во „Титаник“ го глумеше негативецот – злобниот асистент на Спајсер Лавџој, а покрај тоа се истакна и во позитивните улоги.
Кариерата на Ворнер започна во 1966 година кога ја прифати главната улога во Morgan: A Case For The Cure, наспроти Ванеса Редгрејв.
Една од неговите најпознати улоги беше во хорор филмот „The Omen“ од 1976 година.
По една деценија, во 1987 година тој ја напушти ОК и се пресели во Холивуд каде што остана во следните 15 години, појавувајќи се во филмови како „Ѕвездени патеки 5“ и „Планета на мајмуните“.
Неодамна, публиката имаше можност да го види како адмирал Бум во „Мери Попинс се враќа“.
фото:Profimedia/Printsktin jutjub
