Актерот Метју Пери беше обожаван од публиката ширум светот кога ја презеде улогата на саркастичниот и малку извртен Чендлер во сега култната серија „Пријатели“.
По глобалниот успех, Метју Пери наиде на голема популарност и пари, но и големи животни предизвици. Меѓу другото, проблеми со осаменоста, симптоми на депресија и зависност од дрога и алкохол.
По многу неуспешни рехабилитации и загрижувачки папарацо фотографии, Метју Пери во ексклузивно интервју за магазинот „People“ вели дека успеал да се избори со своите демони.
Актерот (53) одлучил да ја каже вистината за својот живот во мемоарите кога бил сигурен дека никогаш нема да им се врати на најлошите навики.
– Сакав да споделам кога бев сигурен дека нема повторно да навлегувам во темната страна на сè. Морав да почекам додека не бидам целосно трезен и подалеку од активната болест на алкохолизам и зависност. Главната работа беше што бев прилично сигурен дека тоа ќе им помогне на луѓето – изјави Пери за „People“.
Matthew Perry Opens Up About His Addiction Journey with a New Memoir: ‘I’m Grateful to Be Alive’ https://t.co/Y98x0pnxlC pic.twitter.com/q2rrc0bnYG
— People (@people) October 19, 2022
Пери откри дека за малку ќе умрел пред неколку години, на 49-годишна возраст. Јавно признавајќи дека во тоа време боледувал од гастроинтестинална перфорација. Актерот поминал неколку недели борејќи се за живот откако му пукнало дебелото црево од предозирање со опиоиди. Тој поминал две недели во кома и пет месеци во болница, пишува „People“.
– Докторите му рекоа на моето семејство дека имам 2 отсто шанси за живот – искрено изјавил актерот.
Matthew Perry opens up about his addiction, revealing that he almost died after his colon burst from opioid overuse. He spent two weeks in a coma.
“I’m an extremely grateful guy. I’m grateful to be alive and that gives me the possibility to do anything.”https://t.co/GVR23T3mcI pic.twitter.com/gazNDMTVZn
— Film Updates (@FilmUpdates) October 19, 2022
Кога Пери за првпат добил улога во „Пријатели“ на 24-годишна возраст, неговата зависност од алкохол само што почнала да се појавува.
– Можев да се справам со тоа, на некој начин, но на 34 години навистина бев вкоренет во многу неволји. Имаше години кога бев трезен во тоа време. Деветтата сезона на шоуто беше годината кога бев трезен цело време. И погодете која сезона бев номиниран за најдобар актер? Си помислив: „Тоа треба да ми каже нешто“.
Метју ја продолжува својата искрена исповед објаснувајќи дека сега живее здрав начин на живот и дека успеал да се извлече:
– Не знаев како да престанам. Ако полицијата дојде кај мене дома и рече: „Ако пиеш вечерва, ќе те однесеме во затвор“, ќе почнам да се пакувам. Не можев да престанам затоа што болеста и зависноста напредуваат, станува се полошо и полошо како што старееш. „Сега сум прилично здрав“, вели тој.
Фото:Принтскрин/Профимедиа
