Водителката Сања Маринковиќ повеќе од 17 години ја води емисијата „Магазин Ин“, а не се чуди што повремено прави по некој лапсус на работното место.
Со оглед на тоа дека работам емисија 17 години, имаше сешто. Не можам да кажам дека имаше бламови, повеќе лапсуси кои се случуваа на снимањето. Има еден лапсус кој најчесто го раскажува мојата монтажерка, јас дури и ни во монтажа не би забележала. Гостинка ми беше сега покојната Есма Реџепова, која раскажуваше болна приказна за мајчинството, за убави, но и помлаку убави нешта. Се сеќавам дека ја изговори реченицата „Најтежок момент во животот ми беше кога ми се разболе детето и почина“. Јас тогаш веројатно не бев сконцентрирана, и реков „Зарем тоа е најлошото што ви се случило во животот?“. Жената само ме погледна зачудено и продолжи со разговорот, а јас продолжив да ја слушам нејзината емотивна исповед, без да сфатам што сум кажала. Монтажерката тоа го забележа и го исече, па публиката немаше прилика да го види, раскажува Сања.
