Познатиот српски пејач Џеј Рамадановски почина денес (06.12.2020) на 56 години.
Во своето последно интервју откри дека се плаши од коронавирусот и дека токму поради тоа е во строг карантин.
„Не смеам никаде да излегувам за да не се заразам. Веќе имав здравствени проблеми со срцето и короната може да биде кобна за мене. Не се гледам ни со најдобрите пријатели, морам да признам дека ми недостига кафана. Боем сум во душа и едвај чекам повторно да одам во некоја кафана кога ова ќе заврши“, изјави неодамна пејачот.
Пред три години Џеј беше на операција на срце во Виена, а потоа лекарите му рекоа дека мора строго да се грижи за исхраната и здравиот живот.
“И денес сум во контакт со лекари од Австрија. Тие ме контролираат и ме потсетуваат да се грижам за себе, да избегнувам големи собири и да гледам што јадам. Но, нема ништо од мојата исхрана и здравиот живот. Јас станав дебел, бидејќи лошо се движам. Моите доктори велат дека морам да гледам што јадам, и нарачувам брза храна. Сакам да пијам, иако тоа ретко го правам сега затоа што не гледам никого “.
Пејачот рече дека не може да се откаже од тутун:
“Не сум се откажал од цигарите, со години се обидував неуспешно. Се борам со тој порок, се обидувам да се откажам, но не оди. Што ќе правам кога тие ми годат“.
