Џејмс Хевен, братот на Анџелина Џоли, исчезна од очите на јавноста по познатиот бакнеж со неговата сестра.
По сцената од Оскарите кога Анџелина Џоли го бакна во уста својот брат Џејмс Хевен откако сфатила дека ја добила наградата, Џејмс (49), кој е две години постар од Анџелина, во последните години е вистинска мистерија. Братот на познатата актерка денес води мирен живот далеку од рефлекторите.
View this post on Instagram
Сепак, ова не му беше прв пат Џејмс да ја бакне својата сестра во уста на јавен настан. Братот и сестрата исто така се бакнуваа на доделувањето на Златните глобуси претходно истата година.
Се разбира, бакнежот беше целосно „невин“, вели Џејмс.
„Не беше француски бакнеж“, изјавил Хевен за Дејли Меил.
– Беше нешто едноставно и прекрасно. Таа се подготвуваше да оди во Мексико за да го заврши снимањето на „Првиот грев“ со Антонио Бандерас. И честитав на Оскарите и брзо ја бакнав во усните.
Непрепознатливиот Џејмс Хевен деновиве е виден додека купувал намирници во Малибу, а бил облечен во бело со капа и очила за сонце на главата. Иако носел очила и капа, сепак папараците го препознале и го фотографирале. Тој не се израдувал кога ги видел папараците, бидејќи очигледно сака да живее мирен живот, далеку од камерите и сцената.
Инаку, Џејмс е во врска со својата девојка Ешли Рејн веќе 12 години, а додека Анџелина била во брак со Бред Пит, тој наводно се грижел за нивните деца.
– Анџелина и Џејмс сега се целосно разделени. Тие беа неразделни и најдобри пријатели. Тој и помагаше да ги одгледува децата и секогаш посветуваше многу време на нејзиното семејство.
Одеднаш, без посебна причина, престанаа да зборуваат и тој си замина. Само тие знаат што навистина се случило, изјави еднаш извор близок на актерката.
Џејмс денес е фокусиран на продукција и режија, исто како и неговата сестра.
Фото:Принтскрин/Профимедиа
